إعلان الرئيسية

طرق الربح من الانترنت


في طرق كتير للربح من الانترنت بس الموضوع محتاج شويه صبر و إجتهاد ،الطرق من الاسهل للاصعب و من الصفر وفي الموضوع ده مش بس هقولك تعمل المدونة ازاي دا انا هقولك كمان افكار تستخدمها عشان تجيب زيارات كتير و ايه هي اهم المميزات اللي لازم تكون في المدونة بتعتك وهتعرف تفاصيل كتير هتساعدك تحقق ارباح كتير يلا نبدأ.

لو محتاج شرح دقيق جداً وبتفاصيل ممله وترتيب الانشاء اقرأ الموضوع ده :  الربح من الانترنت للمبتدئين من الصفر - تجربة حقيقية

إنضم الي قناة تلجرام للإجابة علي كل إسئلتك وحل المشكلات التي قد تواجهك

اول طريقة هي الربح من مدونة بلوجر (كتابة الموضوعات ونشر الاخبار او برامج او غيره)

كيفية انشاء مدونة بلوجر


١- ادخل علي blogger.com و سجل وإنشئ المدونة.
٢- ابحث عن قالب بلوجر (المظهر) و هسيبلك لينك في آخر الموضوع عن القوالب الاحترافيه و افضل مواقع للتحميل.
٣-اختار قالب يكون سريع وسهل و يدعم الهواتف.
٤- ابدأ بنشر بعض الموضوعات الحصريه ماتنقلش من اي موقع تاني (من ٢٠ لـ ٣٠ موضوع) ولو اكتر يكون افضل، عن اي حاجه تكنولوچيا ،، اخبار ، العاب ، زي ماتحب وتقدر تكتب موضوعات عن كل المجالات دي وتكون مدونة متنوعة مش شرط تخصص في نشر موضوعات معينه.



  • في نفس الوقت تكون عملت حساب جوجل ادسنس من هنا  Adsense  عشان ده اللي هتستلم عليه الارباح وده هتكتب فيه بياناتك الحقيقيه اللي في البطاقة او جواز السفر و اعمل تفعيل للأكونت عن طريق انك تبعت صورة البطاقة بتعتك لجوجل.


  • ونفس الوقت برضو تدخل تعمل تسجيل علي جوجل كونسول من هنا  Google Console  وده اللي بيخلي مدونتك تظهر في محركات البحث.

٥-نرجع لبلوجر وانشر كل يوم موضوع او اتنين او اكتر  كل ده هيرجعلك انت فالاخر في صورة زيارات وارباح.

٦- استغل التريند وانشر عنه اخبار وده هيجبلك مشاهدات كتير في وقت قصير حتي لو دخلت علي كل المواقع وقريتهم ماتعملش كوبي اكتب ملخص من دماغك ولو في صور توثيق انشرها.


٧- بعد فترة توصل لشهرين تقريباً هتتفعل معاك ميزة الارباح في المدونه.


٨- اعمل صفحه علي الفيس بوك واليوتيوب وانشر عليها مواضيعك وده هيساعدك تجيب زيارات كتير خصوصا لو بتقدم خدمة زي تحميل الاغاني مشاهدة الافلام او تنزيل برامج وغيره.


٩-لو انت شاطر في حاجه اكتب عنها موضوع وتشرحها كويس بما إنك شاطر فيها .


١٠-خلال شهرين مثلا هيكون عندك حوالي ٦٠ موضوع دا لو بتنشر كل يوم موضوعين لو كل يوم جالك ٥ مشاهدات علي كل موضوع بس يبقي ٩٠٠٠ مشاهده في الشهر ده رقم قليل جدا وكمل في النشر ومدونتك هتبدأ تظهر في محركات البحث بشكل كبير.



دي زيارات مدونتي في اول شهر انشر فيه موضوعات 



١١- هتوصل لمرحله كويسه في شهور قليله لو استغليت التريند مع نشر مواضيعك الاساسية ل حوالي ٢٥٠ الف مشاهده في الشهر وهنا بداية الفلوس بمعني الكلمة.


١٢- استغل شهر رمضان وانشر المسلسلات علي المدونة عن طريق تضمين الحلقات من المواقع يعني ماتنزل الحلقه عندك وبعدين تحملها علي المدونه لا ده هياخد منك وقت كبير و محتاج سرعة نت عالية.



١٣- لو فرضنا إنك في اول ٦ شهور فضلت مستمر علي الوضع ده مع تحسين اداءك و طريقة الكتابه والاحترافيه هتوصل ل ٤٢٠ موضوع ، وانت بتنشر موضوعين بس كل يوم لو جالك ٣٠ زيارة كل يوم علي الموضوع الواحد ودي اقل حاجه بعد الوقت ده كله هتوصل كل شهر لحوالي ٤٠٠ الف زيارة في الشهر وكل ماهتنشر موضوعات اكتر هيجيلك زيارات اكتر بشرط المحتوي اللي بتقدمه يكون مفيد وله جمهور.



١٤-استمر علي الوضع وهتوصل لمرحلة إنك نايم و ارباحك بتزيد وكمل في نشر موضوعاتك عشان زيارات تكتر وارباحك تكتر معاها.


١٥- طبيعي هيقابلك مشاكل وكل ماتظهر قدامك مشكلة ادخل ابحث عنها و شوف حلها إيه مش عيب كله بيتعلم كده وماتيأسش وتقول مش فاهم وتكبر دماغك لو عايز تعمل حاجه هتعملها.



إنضم الي قناة تلجرام للإجابة علي كل إسئلتك وحل المشكلات التي قد تواجهك

تعديل المشاركة
Reactions:
ليست هناك تعليقات
إرسال تعليق